Saqqummersitaq una iluarsissutaavoq. Ukiumut angutit najugaqatigiit 200-it missaaniittut kisimiittutut imaluunniit angajoqqaaminni najugaqartutut kukkusumik inissinneqarsimaneri pissutigalugit tabel 1 aamma Titartagaq 1 iluarsiivigineqarnikuupput.
Saqqummersitap pillugu naatsumik nassuiaat
Naatsorsueqqissaartarfiup 1994-imiilli inuit allattorsimaffianit paasissutissat tunuliaqutaralugit inuit aammalu inoqutigiit pillugit innuttaasunut kisitsisitigut paasissutissaliortarpoq. Saqqummersitami uani taaguut ilaqutariit nutaajuvoq siullermeerlunilu innuttaasunut kisitsisitigut paasissutissani ilisaritinneqarluni.
Ilaqutariit katitigaanerat inoqutigiinni pineqartuni najugaqartut akornanni ataqatigiinneq tunuliaqutaralugu naatsorsorneqarput. Ilaqutariit tassaapput inoqutigiinni pineqartuni inuk ataaseq imaluunniit inuit arlallit, aappariinnermikkut imaluunniit ilaqutariinnermikkut imminnut atassuteqartut. Inoqutigiinni ataatsini ilaqutariit arlaliusinnaapput, killormulli ilaqutariit inoqutigiinnit arlalinneersunit ilaqarsinnaanngillat.